حوار صحفى من جريدة فن الإبداع رئيس مجلس التحرير الكاتبة الصحافية آيـة فـوزى
تتشرف جريدة فن الإبداع بعمل حوار صحفي مع أحد المواهب الشابة متمنية لها سيل من النجاح والتقدم في مجالها
معكم المحررة: أمنية عادل سعيد
فلنبدأ..
الاسم: آلاء عادل فهيم الميهي
السن: 20
المحافظة:المنوفيه
الموهبة: الكتابه
اللقب:لولي
اكتشفت/تِ نفسك ازاي؟ بدأت بعبارات صغيره كانت بتيجي في دماغي وبعدين بكتب جمل كتيره لحد ما اتطورت وكونت قصيده
قولنا بدايتك كانت ازاي؟ بدايتي بعبارات وبعدين اتطورت للقصايد
هل هتتخلي عن موهبتك في يوم؟ ان شاء الله لأ
ادينا نبذة عن أهم إنجازاتك؟لسه في البدايه
ادينا نبذة عن موهبتك؟اياكِ ولهفة البدايات
البدايه بتبدأ بالكلام الحلو وحكايات
ضحك وهزار وبيبنوا الحلو اللي فيهم
كلام كتير حكايات كتير واسرار
انتي بنتي واختي وام عيالي
انتي الجنه انتي نهاية مشواري
انتي غيرتي حياتي وكياني
شويه وبقي الخط مشغول
اون لاين ومفيش رد
من كلام كتير وسهر للصبح
بقي كلام وعتاب نهايته صد
اسف واعذار
زعيق وعصبيه وخنقه
شغل بقي ليل ونهار
وتتقلب البدايات
نهايات وذكريات
لا انتي بنته ولا زي اخته
لا انتي بنته اللي بيستحمل جنانها
ولا اخته اللي بيخاف من الهواء الطاير حواليها
كنتي اسأليه ف يوم لو اختك حد اذاها هيبقي اي ردك
هيجي اليوم اللي تلاقي اللي يإذي اختك
زي م اذيتها
البدايه كانت ورد والنهايه كانت شوك
كانت ثقه ونهايتها شكوك
كان كل الحلو ونهايته كانت مُر
هيشرب من كاس نهايته امَّر
كما تدين تدان
اللي هتعمله ف بنات الناس
هيقعدلك لو عدي سنين
ي ف اختك ي مراتك ي ف بنتك
هتوعد يبقي تصون
واوعاك ف يوم تخون
خاف عليها زي اختك
وان ناوي تسيب
ف متقولهاش ساعتها انها قسمه ونصيب
قولها انك مش قد الوعد اللي وعدته
ولا قد شئ حلو قولته
ف اديني بعيد ف كلام قولته
ان كل بدايه بتبدأ بكلام
هتنتهي برضو بكلام
واياكِ ولهفة البدايات
هيعدي عليها فتره
وتبقي مجرد شوية ذكرايات
قولنا نميت نفسك ازاي؟كنت بسمع شعراء كتير وكنت بتعلم كتير منهم وبعمل search عن تنظيم القافيه
مين مصدر دعمك؟اهلي واصحابي
آخر أعمالك؟رثاء لحد عزيز عليا
احكيلنا الصعوبات اللي واجهتك وازاي قدرت تتخطاها؟ الاحباط وعدم التشجيع وكنت بوقف كتابه
بس بعدها بفتره رجعت اكتب تاني ومش بقيت باخد باي كلام يتقالي وبرميه ورا ضهري
في نهاية الحوار تحب توجه كلمة شكر لمين؟
اهلي واصحابي وكل شخص دعمني
رأيك في الجريدة؟
كويسه جدا لانها بتهتم بالمواهب وتشجيعهم
وفي مآل الحوار نتمني لك/لكِ دوام التقدم والرقي والابداع
#جريدة_فن_الابداع
#المحرره:أمنية عادل
#رئيس مجلس التحرير:آية فوزي جاد الكريم
تعليقات
إرسال تعليق